မန်စီးတီး နည်းပြ မန်ချီနီက မိမိ အနေဖြင့် ရီးရဲလ်တွင် နေရာမရ ဖြစ်နေသည့် ကွင်းလယ်လူ ဂါဂိုကို လာမည့် ရာသီ နောက်ဆုံး ထားကာ ခေါ်ယူနိုင်လိမ့်မည်ဟု မျှော်လင့်ကြောင်း ပြောဆိုလိုက်သည်။
မန်စီးတီး အသင်း အနေဖြင့် ယခင်က အီတလီ ကလပ် ပါလာမိုမှ ကွင်းလယ်လူ မရီဂါကို ခေါ်ယူရန် ကြံစည်ခဲ့သော်လည်း အဆိုပါ ကစားသမားမှာ အင်တာ အသင်းသို့ ပြောင်းရွှေ့သွားခဲ့၍ လက်လျှော့ခဲ့ရသည်။
ရီးရဲလ်မှ ဂါဂိုကို ခေါ်ယူမှုတွင်လည်း မန်စီးတီးမှာ ယနေ့အထိ တိကျသည့် အဖြေတစ်ခုပင် မရသေးပေ။ သို့သော် နည်းပြ မန်ချီနီက " ဂါဂိုကို ကျွန်တော်တို့ ခေါ်ယူနိုင်လိမ့်မယ်လို့ လုံးဝကို မျှော်လင့်ထားပါတယ်။ သူဟာ အရည်အချင်း ရှိတဲ့ ကစားသမား တစ်ဦး ဖြစ်ပါတယ် " ဟု ပြောဆိုသွားခဲ့သည်။
မန်စီးတီးအသင်းမှာ ယနေ့ညတွင် ဟောလ်စီးတီးနှင့် အဝေးကွင်း ပရီးမီးယား ပွဲစဉ် အဖြစ် ရင်ဆိုင်ရမည် ဖြစ်သည်။ |
