အာဖရိက ဘောလုံးပြိုင်ပွဲကြီး မစတင်မီ အချိန်က အီဂျစ် အသင်းသည် အဆိုပါ ပြိုင်ပွဲတွင် ဗိုလ်စွဲနိုင်ခြေ ရှိ ... မရှိဆိုသော မေးခွန်းများ ထွက်ပေါ် ခဲ့ပါသေးသည်။ သို့သော် ယင်း မေးခွန်း၏ အဖြေကို အီဂျစ် အသင်းက အလုပ်ဖြင့် သက်သေပြခဲ့ပြီး အာဖရိက ဖလားကြီးကို သုံးကြိမ် ဆက်တိုက် သိမ်းပိုက်ကာ ပြည်တော်  ပြန်လှခဲ့သည်။
  အီဂျစ် အသင်းသည် အာဖရိက ဘောလုံးသမိုင်းတွင် အအောင်မြင်ဆုံး အသင်းအဖြစ် မှတ်တိုင် ထူနိုင်ခဲ့ပြီဖြစ်သည်။ သို့သော် ယခုနှစ် အာဖရိက မြေပေါ်၌ ပထမဆုံး ကျင်းပမည့် ကမ္ဘာ့ဖလား ပြိုင်ပွဲကိုမူ ပါဝင်ယှဉ်ပြိုင်ခွင့် လွဲချော်ခဲ့ရသည်။ အီဂျစ်အသင်းသည် အာဖရိက ဖလားပြိုင်ပွဲ တစ်လျှောက် (၇) ကြိမ် တိတိ ဗိုလ်စွဲထားနိုင်ခဲ့သော်လည်း ကမ္ဘာ့ဖလား ပြိုင်ပွဲကိုမူ ၂ ကြိမ်သာ ၀င်ရောက် ယှဉ်ပြိုင် ထားနိုင်ခဲ့သည်ကို တွေ့ရသည်။ အီဂျစ် အသင်း ၀င်ရောက်ယှဉ်ပြိုင်ခဲ့သည့် ကမ္ဘာ့ဖလား ပြိုင်ပွဲများမှာ ၁၉၃၄ အီတလီ ကမ္ဘာ့ဖလားနှင့် ၁၉၉၀ အီတလီ ကမ္ဘာ့ဖလားတို့ ဖြစ်ပြီး ၂ ကြိမ်စလုံးပင် အုပ်စု အဆင့်နှင့် ပင် ကျေနပ်ခဲ့ရသည်။
  ယခု ၂၀၁၀ အာဖရိက ဖလားပြိုင်ပွဲနှင့်အတူ တောက်ပလာသည့် ကြယ်ပွင့် များအနက် အီဂျစ်တိုက်စစ်မှူး မိုဟာမက် ဇီဒန်းလည်း တစ်ဦး အပါအ၀င် ဖြစ်သည်။ ဇီဒန်းသည် ဘွန်ဒစ်လီဂါ ကလပ် ဘိုရုရှား ဒေါ့မွန်အသင်း၏ ရှေ့တန်း တိုက်စစ်မှူး တစ်ဦးဖြစ်ပြီး အသက် ၂၉ နှစ်ရှိပြီဖြစ်သည်။ ဇီဒန်း၏ ပြောပြချက်အရ အီဂျစ်အသင်းသည်  အာဖရိကဖလား ချန်ပီယံ ပူးပူးနွေးနွေး အသင်း ဖြစ်သော်လည်း အောင်မြင်မှုများကို ဆက်လက်ရယူရန် မွတ်သိပ်နေသည့် အသင်းဟု သိရသည်။ ယင်းကြောင့်ပင် အီဂျစ်အသင်းအား တစ်စေ့တစ်စောင်း လေ့လာနိုင်ရန်အတွက် တိုက်စစ်မှူး ဇီဒန်းနှင့် တွေ့ဆုံ မေးမြန်းခဲ့ သမျှကို ဖော်ပြ လိုက်ပါသည်။