ရီးရဲလ် နည်းပြ ပယ်လီဂရီနီက မိမိ အနေဖြင့် ပြီးခဲ့သည့် စနေနေ့က အက်စ်ပန်ညိုကို အိမ်ကွင်းတွင် ၃းဝ ဖြင့် အနိုင်ရခဲ့သည့် လာလီဂါ ပွဲစဉ်နှင့် ပတ်သက်၍ ကျေနပ်မိကြောင်း ပြောဆို လိုက်သည်။
ယင်းပွဲစဉ်မှ ရီးရဲလ် အတွက် ဂိုးများကို ပထမပိုင်း ၅ မိနစ်တွင် ဆာဂျီယို ရာမို့စ်၊ မိနစ် ၃၀ တွင် ကာကာနှင့် ဒုတိယပိုင်း မိနစ် ၉၀ တွင် ဟီဂူအင်တို့က သွင်းယူခဲ့သည်။
နည်းပြ ပယ်လီဂရီနီက ကျွန်တော်တို့ဟာ အခုဆိုရင် အိမ်ကွင်းမှာ ၁၁ ပွဲ ဆက်တိုက် အရှုံးမရှိတဲ့ စံချိန်ကို ရသွားပါပြီ။ ဒီအတွက် ကျွန်တော် ကျေနပ်ပါတယ်။ အက်စ်ပန်ညို ကို အနိုင်ရခဲ့တာဟာ ကောင်းပါတယ်။ ဒါပေမယ့် ကျွန်တော်တို့ ဆက်ပြီး ကြိုးစားရပါဦးမယ် " ဟု ပြောဆိုခဲ့သည်။ |
