ဘရာဇီးနှင့် မန်စီးတီးအသင်းမှ တိုက်စစ်မှူး ရော်ဘင်ဟိုမှာ ယခုတွင် ဘရာဇီးကလပ် ဆန်းတို့စ်အသင်း၌ ၆ လအငှားသွား ကစားနေပြီး ယမန်နေ့က ကစားခဲ့သည့် ဆာအိုပေါ်လိုအသင်းနှင့် အဝေးကွင်း ဘရာဇီးအမှတ်ပေး ပြိုင်ပွဲတစ်ခုတွင် ဆန်းတို့စ်အသင်းအတွက် ပထမဆုံး ဂိုးသွင်းယူနိူင်ခဲ့ပြီဖြစ်သည်။
ယင်းပွဲမှ ဆန်းတို့စ်အတွက် ဂိုးများကို ပထမပိုင်း ၃၈ မိနစ်တွင် ဆေးလ်ဗား အပြင် ဒုတိယပိုင်း ၈၅ မိနစ်တွင် ရော်ဘင်ဟိုက သွင်းယူခဲ့ပြီး ဆာအိုပေါ်လိုမှာ ဒုတိယပိုင်း ၆၇ မိနစ်တွင် သွင်းယူခဲ့သည့် ရိုဂျာ၏ ဂိုးဖြင့်သာ ကျေနပ်ခဲ့ရသည်။ မန်စီးတီး အသင်းတွင် ဒဏ်ရာများကြောင့် မပျော်မရွှင် အားငယ်နေခဲ့ရသည့် ဘရာဇီးသား ရော်ဘင်ဟိုမှာ မွေးရပ်မြေပြန် အရောက်တွင် ယခင် ၂၀၀၂ ခုနှစ်က အကောင်းဆုံး ခြေစွမ်းများ ပြန်ရနေပြီလားဟုပင် မေးရမည့် ကိန်းဆိုက်နေပြီဖြစ်သည်။
တစ်ခါက သူကစားခဲ့ဖူးသည့် ဆန်းတို့စ်အသင်းကို ယခုတစ်ဖန် ပြန်ရောက်လာခဲ့သည့် ရော်ဘင်ဟိုတစ်ယောက် မည်မျှပင် ပျော်ရွှင်နေမည်မသိသော်လည်း အသင်းအတွက် ဂိုးပင် သွင်းနေပြီဖြစ်သောကြောင့် မီဒီယာများကပင် အံ့သြနေကြသည်။ |
