မီလန် အသင်းမှ ကွင်းလယ်လူ ဘက်ခမ်းက မိမိ အနေဖြင့် အသင်းဟောင်း မန်ယူနှင့် အိုးလ်ထရက်ဖို့ဒ် ကွင်းတွင် မနက်ဖြန် ကစားရမည့် ချန်ပီယံလိဂ် ရှုံးထွက် ဒုတိယအကျော့ အဝေးကွင်း ပွဲစဉ်အတွက် ရင်ခုန် နေမိကြောင်း ပြောဆို လိုက်သည်။
   မီလန်မှာ မန်ယူကို ပထမအကျော့ အိမ်ကွင်းတွင် ကစားစဉ်က ၂း၃ ဖြင့် ရှုံးနိမ့်ထားခဲ့သည်။ ဘက်ခမ်းက " မန်ယူနဲ့ အိမ်ကွင်းမှာ ကစားခဲ့တုန်း ကဆိုရင် ကျွန်တော် အရမ်းကို စိတ်လှုပ်ရှား ရပါတယ်။ မနက်ဖြန် အိုးလ်ထရက်ဖို့ဒ်မှာ ပြန်ဆုံရဦး မယ် ဆိုတော့လည်း ပိုပြီး ရင်ခုန်ရပါတယ်။ ပထမ အကျော့တုန်းက မန်ယူ အသင်း ပရိသတ်တွေရဲ့ အားပေးသံဟာ ကြားရသူတိုင်း အတွက် ကြက်သီး ထစရာပါ။ ပရိသတ်ပေါင်း ၇၀၀၀၀ ကျော်ဆန့်မယ့် အိုးလ်ထရက်ဖို့ဒ် ကွင်းမှာလည်း ဒီထက်မက ပိုတဲ့ အားပေးမှုမျိုး တွေကို ကြုံရဦးမှာပါ။ ဒီအတွက် ကျွန်တော် ၀မ်းသာပါတယ်။ မန်ယူဟာ ကျွန်တော့်ရဲ့ အသင်း ဟောင်းပါ။ ကျွန်တော့်ရဲ့ မိသားစုတွေဟာလည်း မနက်ဖြန်ကျရင် မန်ချက်စတာကို ကျွန်တော်တို့နဲ့အတူ လိုက်ကြမှာပါ။ မန်ယူကို အရူးအမူး အားပေးတဲ့ ကျွန်တော့် အဖေနဲ့လည်း ပြန်ဆုံရတော့မှာဆိုတော့ ပိုပြီး ပျော်မိပါတယ် " ဟု ပြောဆိုခဲ့သည်။