ရီးရဲလ် အသင်းမှ တိုက်စစ်မှူး ဖြစ်သူ စီရိုနယ်ဒိုက မိမိတို့ အနေဖြင့် မနက်ဖြန် လိုင်ယွန် အသင်းနှင့် ချန်ပီယံလိဂ် ရှုံးထွက် ဒုတိယအကျော့ အိမ်ကွင်း ပွဲစဉ်တွင် အနိုင်ရပြီး ကွာတားဖိုင်နယ် အဆင့်သို့ တက်ရောက် နိုင်မည် ဖြစ်ကြောင်း ပြောဆို လိုက်သည်။
ရီးရဲလ် အသင်းမှာ ချန်ပီယံလိဂ် သမိုင်း မှတ်တမ်းအရ နောက်ဆုံး ၅ ရာသီဆက်တိုက် ရှုံးထွက် အဆင့်မှသာ လှည့်ပြန်ခဲ့ရပြီး ပြီးခဲ့သည့် ပထမအကျော့ အဝေးကွင်းတွင် လိုင်ယွန်ကို ၁းဝ ဖြင့် ရှုံးနိမ့်ထားခဲ့သည်။
စီရိုနယ်ဒိုက "ကျွန်တော်တို့ အနေနဲ့ မနက်ဖြန်ကျရင် လိုင်ယွန်အသင်းကို အိမ်ကွင်းမှာ အပြတ်ကို ဆုံးမရမှာပါ။ အသင်း ချန်ပီယံလိဂ် ကွာတားဖိုင်နယ် အဆင့်ကို တက်နိုင်မယ်လို့ ယုံကြည်ပါတယ်။ လိုင်ယွန်ကို သူတို့ကွင်းမှာ တုန်းက ကျွန်တော်တို့ ဂိုးမသွင်း နိုင်ခဲ့ပါဘူး။ ဒါပေမယ့် မနက်ဖြန်ကျရင် ပထမ အကျော့တုန်းကနဲ့ လုံးဝ မတူတော့တဲ့ ကျွန်တော်တို့ရဲ့ တိုက်စစ်ကို သူတို့ မြင်ရမှာပါ" ဟု ပြောဆိုခဲ့သည်။ |
