၂၀၁၀ AFC Challenge Cup ဘောလုံးပြိုင်ပွဲ ဆီမီးဖိုင်နယ် ဒုတိယပွဲစဉ်တွင် မြောက်ကိုးရီးယားအသင်းက မြန်မာအသင်းကို ၅ ဂိုးပြတ်ဖြင့် အနိုင်ရကာ ဗိုလ်လုပွဲသို့ တက်ရောက်သွားပြီ ဖြစ်သည်။
မြောက်ကိုးရီးယား အသင်း အတွက် ဂိုးများကို ချိုချိုလ်မန်းက နှစ်ဂိုးနှင့် ချိုမြောင်ဟို၊ ပတ်ဆောင်ချိုနှင့် ကင်မ်ဆောင်ယောင် တို့က တစ်ဂိုးစီ အသီးသီး သွင်းယူ သွားခဲ့ကြသည်။
မြောက်ကိုးရီးယား အသင်းသည် ယခုပြိုင်ပွဲတွင် ဗိုလ်စွဲရန် ရေပန်းစား နေသည့် အသင်းဖြစ်သည့် အတိုင်း ခြေစွမ်းပြ ကစားသွားကာ မြန်မာ အသင်းအပေါ် ခြေအသာ၊ ဂိုးပြတ်ဖြင့် အနိုင်ရသွားခဲ့ခြင်း ဖြစ်သည်။ မြောက်ကိုးရီးယား အသင်းသည် ပွဲအစ ၆ မိနစ်မှာပင် ချိုမြောင်ဟို၏ ခေါင်းတိုက်ဂိုးဖြင့် မြန်မာအသင်း အပေါ် ဦးဆောင် နိုင်ခဲ့သည်။ အဖွင့်ဂိုး ရရှိပြီးနောက် ပွဲကစားချိန် ၁၂ မိနစ်အရောက်တွင် ချိုချိုလ်မန်းက ဒုတိယဂိုးနှင့် ဆက်တိုက်ဆိုသလို ၁၃ မိနစ်အတွင် ယခုပြိုင်ပွဲ၏ ဂိုးသွင်းရှင် တစ်ဦးဖြစ်သည့် ပတ်ဆောင်ချိုက မြောက်ကိုးရီးယား အတွက် တတိယ ဂိုးသွင်းယူသွားပြီး ပထမပိုင်းတွင် မြောက်ကိုးရီးယား အသင်းက ၃ ဂိုးပြတ်ဖြင့် ဦးဆောင် ထားနိုင်ခဲ့သည်။
တိုက်စစ်မှူး ပတ်ဆောင်ချို သွင်းယူခဲ့သည့် ဂိုးသည် ယခုပြိုင်ပွဲ၏ အကောင်းဆုံး ဂိုးများထဲတွင် တစ်ဂိုး အပါအ၀င် ဖြစ်ခဲ့ပြီး ဂိုးနှင့် ကိုက် ၃၀ အကွာမှ အပြင်း ကန်သွင်း ယူသွားခြင်း ဖြစ်သည်။
မြောက်ကိုးရီးယားအသင်းတွက် စတုတ္ထဂိုးကို ဒုတိယ ဂိုးသွင်းသွားသူ ချိုချိုလ်မန်းက ဒုတိယပိုင်းပွဲချိန် ၇၃ မိနစ်တွင် သွင်းယူခဲ့ပြီး ယခုပွဲ၏ ပွဲသိမ်းအနိုင်ဂိုးကို ကင်မ်ဆောင်ယောင်က ပွဲပြီးရန် ၅ မိနစ်အလိုတွင် သွင်းယူသွားခဲ့သည်။
မြန်မာအသင်းအနေဖြင့် အရှေ့အာရှသား မြောက်ကိုးရီးယား အသင်းကို အဘက်ဘက်မှ မယှဉ်နိုင်၍သာ ယခုကဲ့သို့ ဂိုးပြတ် ရှုံးနိမ့်သွားခဲ့ခြင်း ဖြစ်သည်။
ယခုပွဲ အနိုင်ရသွားသည့် မြောက်ကိုရီးယား အသင်းသည် ဆီမီးဖိုင်နယ် ပထမပွဲစဉ်တွင် အနိုင်ရခဲ့သည့် တာ့ခ်မင်နစ္စတန် အသင်းနှင့် လာမည့် စနေနေ့တွင် နောက်ဆုံး ဗိုလ်လုပွဲ ယှဉ်ပြိုင် ကစားရမည် ဖြစ်သည်။
ပြိုင်ပွဲ၏ တတိယ နေရာအတွက် မြန်မာ အသင်းနှင့် တာဂျစ်ကစ္စတန် အသင်းတို့ တွေ့ဆုံ ယှဉ်ပြိုင်ရမည် ဖြစ်သည်။ |
